Markapak pushak mashi Jorge Guamàn Coronel, rikukrirkami imashina llankaykuna taktishpa katikushkakunata, shinallatak, nirkami kashna yanapaykunaka paktalla tarpuy chakrakunapi, wiwakuna, kiwakunapash ama musurishpa katinkapakmi kan.Shinallatak Técnico del Gobierno Provincial, mashi Santiago Millingalle nirkami enero killamanta llankashpa katikushkanchik, kay tankika 2700 metros cúbicos yakunami tantachishpa katinka; ña kunan kay pachakama 13 mil metros cúbicos allpakunatami allashkanchik, shayachishpa katinkapakka nirkami.
Mashi Milton Molina, kay ayllu llaktamanta pushak nirkami, tawka watakunata kashna muskuykuna paktashpa katichunka munashkanchik, pipash mana yuyarishka karkachu; kunan ña llankaykuna paktashpa katimukpi ashkata kushikurishpa katinchik, nishpami yupaycharka.
Tukuy ayllukunami yupaychashpapash katirkakuna sumak llankaykunata paktachishpa katikushkakunamanta, ña shamuk killakunaka yakunata huntachispapash katinkakunami, ña ashpakunapi hichashpa katinkapak, shinallatak, capacitación yanapaykunawanpash katinkakunami GADPC ukumanta.ushak mashi
