Pachamama rimaypika, ishkay punchakunatami tantanakushkakuna, salón Rafael Quevedo Pozo kuska ukupi, kimsa patsak yalli ayllukuna, yachakukuna, shinallatak yachachik mashikunapash wankurishkakunami, yuyaykunata tinkichishpa katikapak.Alli shamushkata kurkami mashi Vladimir Ortiz, Director de Ambiente del GAD Cotopaxi, shinallatak nirkami kashna wankurikunaka may sumakmi kan, pacha mamamanta, samimanta, yakumanta rimashpa katinaka; alli kawsaykunata charishpa katinkapak nishpami riksichirka.
Shinallatak markapak pushak mashi Jorge Guamán Coronel, nirkami kashna shina rimaykunata yapa charishpa katinakanchik, musukunamanpash yuyachishpa katinkapak pacha mamamanta yachaykunata maskashpa katichun, shinallatak yanachinchik proyecto kipapakchi Yakupak Wasi yanapaykunapipash wankurishpa katinkapak, nishpami rimarka.
Rimaykunaka kallarirkami yachachik mashikunawan, Ing. Luis Vilcacundo, Universidad Técnica de Cotopaxi manta, shinallatak Ing. Paúl Maldonado, Funcionario de Aglomerados Cotopaxi manta, yachakuk mashikunapash tapushpa katirkakunami mama yachashkakunamanta, conferencistas mashikunapash tukuy mutsurikunamanta riksichishpa sakirkami.
Tukuri tantanakuykunapika, certificados digitaleskunatapash yallichirkakunami, pachamamata allichishpa katina yuyaykunawan.
