Katik pushak pani Silvia Bravo Cajas, alli shamushkata kurkami tukuy ayllukunaman, chay kipa, markapak pushak mashi Jorge Guamán Coronel, riksichishpa katirkami ima llankaykunata paktachishpa katishkakunata; Planificación y Ordenamiento Territorial, Riego y Drenaje, Ambiente, Vialidad, Fomento Productivo, Desarrollo Humano. Shinallatak, Patronato Provincial de Cotopaxi kamay ukumantapash.Cotopaxi markata, kutishuk ñawita rikuchishpa katinkapakka, shinchi llankaykunatami paktachishka ñan yanapaykunapi, shinallatak, yaku llankaykunapipash; kutishuk kipapakchi muskykunata paktachishpa katinkapakpash mañarkami pushak mashikunata wankurishpa katinkapak, markapak apuk.
Shinallatak, ayllu llakta ayllukunapash yupaycharkakunami, kamay ukumanta paktalla llankashpa katikushkakunamanta, uchilla productores mashikunawan, yaku yanapaykunapi, ñankunapi, shinallatak wawakunawan, ruku taytakunawanpash Patronato Provincial ukumanta makikushpa katikushkamanta, ashkata kushikurinchik nishpami riksichirkakuna.
