Mashi Abrahán Salazar, zona Oriental de Salcedo regantes ayllukunapak shutipi nirkami, mana kayachishka shamushkanchikchu, ñukanchik chakiwanmi wankurinkapak chayamushkanchik, yakumanta rimashpa katinkapak, ñukanchikpa kawsay kashkamanta nishpami riksichirka.Shinallatak mashi Fausto Tulmo, sistema de riego Jatún Juigua Yacubambamanta nirkami, kashna shina wankurikunaka may sumakmi kan, yakumanta, urkumanta, puyumanta rimashpa katishpa, paktalla ayllu llaktakunapipash yanapashpa katinkapak nshpami riksichirka.
Allka tamia chishipi, markapak pushak rimashpa katirkami, “tukuy punchakunatami yakumanta rimashpa katinakanchik”, shinallatak, tukuy kari, warmikunaman kushikuyta kurkami pachamamamanta, alli kawsaymanta paktalla yanapashpa katikushkamanta.
“kankuna llankashpa katikpimi marka ukukunapipash mikuykunata charishpa katishkanchik, kikinkunamantami mercados katuna pampakunapipash murukunata charishpa katikushkanchik, chaymantami ayllu llaktakunapipash ñukanchik shinchi llankaykunatapash paktachikushkanchik yaku yanapaykunapipash” nishpami rimarka markapak pushak.
Regantes mashikunapash chikan chikan ayllu llaktakunamantami wankurishpa karirkakuna, Pachamamamanta rimashpa katinkapak; takikunawan, tushuykunawan, chishikamami wankurishpa katirkakuna.
