Prefectura Marka kamay ukumanta, 3 millones 230 mil 694 dólares con 16 centavos, pankakunatami churashka shuknimi 10 kilómetros ñan llankaykunapi, shinallatak, ishkaynimi yanapaykunapipash kimsa hunu yalli pankakunatami churakushun nirkami mashi Jorge Guamán Coronel.Guasaganda kitillimanta apuk mashi Luis Corrales, yupaychashpa katirkami paktalla ayllu llakta muskuykunata paktachishpa katikushkakunamanta, tawka watakunatami kashna ñankunata charishun nishpa llankakushkanchik, kunan ña charinchik nishpami rimarka, shinallatak, MTOP kamay ukumanta estudioskunawan makichurashkamantapash kushikurkakunami.
Shinallatak mashi Franser Guevara, antawa purichik shutipi rimarishpa nirkami, kay ayllu llaktakunapika esperanzaskunatapash ña chinkachishkanchikmi; tawka pushak mashikuna rimarishkakuna, llankaytaka mana paktachishkakunachu, kunan mashi Prefecto rikuchishpa katikpi kushiyarinchik, nirkami.
Mashi Galo Sánchez, La Maná kitimanta concejal nirkami, kay watakuna ayllu llakta mutsurikunata rikushpa wipalakunatapash “banderas políticas” iskinashpa llankakushkanchik, chashnami yanapanakanchik nishpami rimarirka.
Shinallatak Pucayacu ayllukunapash ishkayniki llankaykunata chapashpami katikushun, nishpami yanapaykunata rikushpa tushushpapash katirkakuna.
