Kay kanchisri puncha yanapaykunawanka kallarishkakunami, ña 110 metros kunatami allashpa katishkakuna, yakuta llukchishpa sakinkapakka; yanapak mashikunapash 60 punchakunatami charinkuna llankayta chaskichishpa sakinkapakka.Markapak apuk mashi Jorge Guamán Coronel, yallishka puncha rikukrishpa katirkami imashina llankaykuna katikushkakunamanta, shinallatak, nirkami kashna llankaykunaka ayllu llakta kawsayta allichishpa katinkapakmi kan, murukunapi llankak mashikunapash ayllu llaktakunapi kawsashpa katishun, nishpami rimarka.
Isabel García, junta de agua de Isinche de Cofines tantanakuymanta pushak, yupaychashpa katirkami pushak mashikunata makichurashpa katikushkakunamanta, kashna katikpika ayllu llakta llankaykunapash nama mutsurinkachuk, nirkami.
Shinallatak mañashpa katirkakunami pushak mashikunata, wasin wasin chayachishpa sakichun, ashpakunapipash hawalla hichashpa katichun.
