Yallishka 11 de septiembre puncha, Prefectura marka kamay ukumanta, shuk patsak yalli ayllukunaman yaku material hillaykunata kurkami, hichana allpakunaman chayachishpa sakinkapak, shinallatak, llankaykunata uktalla paktalla paktachinkapakka shuk retroexcavadora hillaykunatapash sakirkami.Markapak pushak mashi Jorge Guamán Coronel, nirkami kay llankaykunataka paktachishpa sakinchik, administración directa yanapaykunawan, shinallatak, yupaychatkami tecnichos de Dirección de Riego y Drenaje yanapak mashikunata, ayllu llakta pushak mashikunatapash, kashnami tukuykuna minkapi llankashpa katina kanchik nishpami rimarka.
Planchaloma ayllu llaktamanta Pani Hortensia Guanoluisa, riksichirkami pushak mashikunaman kay ayllu llakta mutsurikunata, kashna agricultores mashikunaman makichurashpa katikpika, kawsaykunapash wichimanmi rikrinka nishpami riksichirka.
