La Polvorosa ayllu llaktapika, antawakuna puri ushachunka ashka manchaymi kashka, shayak sacha uri kashkamanta; kaymanta San Francisco, Andoas, El Corazón shukti Pangua kitilli ayllukunapash mañashkami pushak mashikunata La Polvorosa chakata yapa paskashpa saki ushachun.
Kay mañaymanta paktachinkapakka, Prefectura marka kamay ukumanta 290 mil dólares kushkikunatami churashpa katikushka kashka, hillaykunata rantinkapak; ashtawan, kimsa chunka metroskunata rurashpa sakinkapak.
Pankakunapi aspishka kipa, shukniki junio killapi llankaykunawan kallarishkami karka, kunan pachakama, ñami ña cabezales yanapaykunawan katikushkakuna, vigas metálicaskunata sitashpa katinkapak.
Muskuykunaka kashkami antawakunapash hawalla puri ushachun, ayllukunapash paykunapak murukunata paktalla llukchi usahchun katikuna panpakunaman; shinallatak, kay ñantak tinkichinkapakka, shuk patsak yalli punchakunapi tukuchishpa sakichunmi pankakunapika aspishka sakirishkakuna kashka.
