Markapak pushak mashi Jorge Guamán Coronel, tukuy ayllukunata nirkami “ama ñan wakllirishun yaku larkakunata pichashpa katishunchik, shinallak, ama yaku mutsurikunata charinkapakpash, urkukunata allichishpa katinakanchik”, nishpami riksichirka.Ayllu llakta ayllukunaka yupaycharkami pushak mashikunata, kashna sumak llankaykunata paktachishka katikushkakunamanta; kunanka murukunatapash hawallami katuna pampakunaman llukchi ushashun, shinallatak wawakunapash yachana wasikunaman chayankapak, mana mutsurinkakunata charinka nirkakunami.
Shinallatak pushak mashikunata mañarkakunami, ñan wakllirishpa katinpika allichishpa katichun, ñukanchikpash minka llankaykunawanmi katikushun, nirpami ayllu llakta pushak mashikunaka mañarkakuna.
