Pani Esperanza Espín, yallishka watakunamana imashina taktishpa shamukushkakunata riksichirkami “punta watakunataka mana hillaykunata charishpaka, maki yanapaykunawan kati usharkanchik” nishpami rimarka.Kunan pachakuna pushak mashikunapash makirurashpa katikpi allkata kushiyarishka kanchik, Prefectura marka kamay ukumantapash equipos industriales hillaykunata kushkamanta; shinallatak permisos ambientales pankakunapipash yanapashpa katichun mañakushkanchik, nishpami rimarka pani Espín.
Kashna uchilla productores mashikuna ñawpakman katichunka Prefectura marka kamay ukumanta, fomento productivo ukupi llankak mashikunawa yanapashpa katikushkanchi, shinallatak, rikushkanchik shukti hillaykuna mutsurishkakunata, ña shamuk punchakuna rikushunmi paktachishpa sakinkapak nishpami rimarka markapak pushak mashi Jorge Guamán Coronel.
Tantanakuykunamanta muskuykunaka kashkami hatun katuna pampakunaman llukchi ushankapak, Cotopaxi murukunata, nirkakunami.
