Cerro azul ayllukuna, ayllu llakta mutsurikunata riksichirkakunami pushak mashikunaman, ñankunatapash pichashpa sakichun munanchik nirkakunami, hacienda el Pongomanta kallarishpa, Cerro Azul ayllu llakta chayanakama pichashpa, lastrashpa, yaku larkakunata allichispa sakichun, kiti, marka pusahk mashikunata kayachikushkanchik nirkakunami.Mashi Fausto Calahorrano, kay ayllu llaktapi kawsak nirkami, tawka mutsurikunata charishkanchik, “wakinpika ñukanchik ayllu llakta pushak mashikunapash mana hatun pushakkunaman riksichishpa kashna kawsaykunata charikushkanchik” nishpami rimarka.
Markapak pushak mashi Jorge Guamán Coronel, nirkami “kunan pacha mana yallishka pachakunashina kan, ñankunata pichashpa sakinkapakka pishka taktikunata katina kanchik, solicitud, estudio, permiso ambiental, análisis de la obra y uso del permiso de material pétreo” chay kipa mancomunidad kakpika kiti, kitilli pushak mahikunawanpash ripashpa katinkapak, nishpami riksichirka.
Shinallatak rimarkami, Fomento Productivo muru llankaykunapipash mushkuykunata riksichishpa katichun, kamay ukumanta makichurashpa katinkapak; Patronato Provincialmantapash ñami ña clínica móvil antawata charinchik, ayllu llaktakunapi chayashpa watakunata, ruku taytamamakunata, unkushka mashikunatapash hampishpa katinkapak, nirkami markapak pushak.
Milton Alencastro técnico de la Dirección de Obras Púbicas ukupi llankak mashipash nirkami, 14 kilometros ñankunata pichashpa sakinkapakka ñami ña rikushpa katikushkanchik, kiti pushak mashikunawanpash wankurishpa llankashpa katinkapak nirkami; sukta ayllu llaktakunami kay yanapaykunawanka beneficiashpa sakirinkakuna nishpami riksichirka.
