Prefectura marka ukumanta chusku kilómetros asfaltado ñan llankaykunawan kallarinkami Pastocalle ayllu llaktamanta, Llactayu ayllu llaktakama, churankami shuk hunu yalli kushkikunata; antawa purichik, pushak mashikuna yupaycharkami kay kallari llankaymanta.Mashi Vinicio Yánez, Tanicuchi kitillita pushak yupaycharkami ñan llankaykunapi paktachikushkamanta, ashtawan, mushuk ñankunata charikpika, antawakunapash mana wakllirinka, may murukunawanpash hawalla llukchi ushashun katuna pampakunaman nishpami riksichirka.
Shinallatak markapak pushak mashi Jorge Guamán Coronel, mushuk yuyay llankaykunata riksichiska hawa, nirkami, “tukuykuna ñukanchik ñankunata rikushpa, allichispa katinakanchik” nishpami rimarka.
Gobierno Provincial ukumanta tukuy ayllukunaman, ordenanza vigente pankakunata kurkami, ayllukunapash riksichun kay kishkaykunapi imakunata kamachiskata; pankakunapika rimashkami ayllu llakta ñankunata mana wakllichinakunata, mana shinakpika, multas kunapash tiyanka nishpami kamachiska kashka.
