Markapak pushak, recintos Lulu Tinieblas y Solonso ayllukunawan 16 kilómetroskunata taktishpa ñan wakllirishkakunata rikukrirkami; chay kipa Pucayacu kitillipi wankurikunata charirkakunami, ayllukunaka tawka mutsurikunata riksichirkakunami.Mashi Floresmilo Sigcha, Lulu Tiniebla uchilla ayllu llaktamanta rimarkami, “yallishka watakunamanta ñan wakllirishkakunata allichishpa saki usahchun pushak mashikunata mañashpa katikushkanchik, kunan kaypi markapak pushak mashita imashina ñan kakushkata rikuchishpa katikushkanchik” makichurashpa katishpaka sumakmi kanka nishpami rimarka.
Shinallatak mashi Humberto Monsalbe, Solonso ayllu llaktamanta rimarkami, chakamantapash llankashpa katichun mañakushkanchik, “ashkata wakllirishka kahun, ña rikushpa rinki” nishpami pushak mashiman riksichirka.
Markapak pushak mashi Jorge Guamán, yupaycharkami ayllu llakta pushak mashikunata kayashkamanta, shinallatak nirkami, ishkay mañaymanta ña shukta paktachishpa kati ushankapak kallarinakanchik, chakamanta rimashpaka pushak mashikunawan tiyarishpa rimashpa katishun partida presupuestaria 2018 kunata churashpa katinkapak, ña técnicos mashikunapash ñami ña rikunkapak shamunkakuna estudioskunata rurashpa katinkapak nishpami riksichirka.
