La Libertad ayllu llaktapika, 16 rumpa pukllay ukumanta wankurirkakunami, hunu suyumantapash Guasaganda y Moraspungo kitillimantami llukshimushkakuna; ñawichikunatapash charirkami, proyecto “Caritas Sucias”, Pichincha markapi pukllak wawakunawan.Ecuador mama llaktapi yallishka watakuna pushak mashikunapash tinkirirkakunami, yuyaykunatapash sakirkami Jacinto Espinoza, “marka ukumanta kashna yanapashpa katikpika ninchikmi mana adoquines, vías, puentes kunallapi llankashpa, desarrollo socialkunapipash yanapakushkami, sumak musukuna tukuchun” nishpami rimarka.
Markapak pushak mashi Jorge Guamán Coronel, riksichirkami Dirección de Desarrollo Social ukumanta yanapashpa katikushkakunata, shinallatak, nirkami wawakunapi yuyashpa tawka llankaykunata paktachikushkanchik, rumpa pukllak wawakuna ñawichikunaman richunpash, ña antawakunata charinchikmi, nishpami riksichirka.
Kay rumpa pukllay ñawichikunapika, alli pukllak wawakunatapash akllashpa katishunmi, shukti marka pukllak wawakunawan ñawichishpa katinkapak, nishpami pukllaykunata kallarichirka.
