Kay estudios técnicos kishkaykunata paktachishkami Salcedo kiti pushak ayllukunawan, muskuykuna yallishpa katikpika Toilín, Chambapombo, Catsupamba, El Galpón shukti productores ayllukunapash beneficiankakunami, wiwakunata, murukunata hawalla katuna pakpakunamanpash llukchi ushana kachun.Mashi Jorge Naula, FECOS tantanakaymanta pushak rimarkami “kashna llankaykuna paktashpa katikpika wawakunapash beneficiankakunami, ñankuna wakllirishka kakpika antawakunapash mana kay ayllu llaktakunapika chayachushkaku” nishpami riksichirka.
Shinallatak mashi Víctor Hugo Tercero, El Galpón ayllu llaktamanta pushak, yupaycharkami pushak mashikunata ayllu llaktakunapi makikushpa katikushkamanta, kunan kay mañaykunata paktachishpa sakikpika ashkatami yupaychashuk nishpami rimarka.
Markapak pushak mashi Jorge Guamán Coronel, nirkami kimsa wata yalli llankaykunapi tawka yanapaykunata Salcedo kitipi paktachishpa katimushkanchik; kunan kay mañaykunamantapash ñami ña rikushpa katishun shamuk watakunapi, shuk hunu yalli chushkikunami yaykuna kashka, kaymanta, ayllu llakta, kiti, kitilli, marka pushak mashikuna wankurinakanchik, muskuykunata paktachishpa sakinkapak, nishpami rimarka.
