Consejo Nacional de Gobiernos Parroquiales de la Provincia, (CONAGOPARE) kamay ukupi, yallishka lunes 21 de agosto puncha, kipapakchi proyecto de ciudades resilientes nishka llankaykunamanta rimankapak, wankurirkakunami; Prefectura marka kamachik, kimsa chunka kimsa kitilli pushak mashikuna; muskuykunaka kashkami 2030 shamuk watakama, Organización de las Naciones Unidas (ONU) kamaykama, nayapaykunata riksi chayachinkapak.
![toa2](/images/toa2.jpg)
Tukuy ayllukuna yachi charina kanchik may naturalezamanta ima llaki tiyakpipash hawalla llankay ushankapak, kunan puchakunallatik rikukushkanchik llakikunata; tamia hatarishpa llakichishka, urkukunapash sustachiska, shinallatak, ñukanchik ayllukunapash llakichishpa katinchik, wakinpika urkukunata ninachurashpa, yurakunata pitishpa, pacha mamata mapayachishpa, chaykunamanta shinchi llakaykunata kamachishpa katina kanchik tukuy pushak mashikuna nispami rimarka markapak pushak mashi Jorge Guamán Coronel.
Shinallatak mashi Diego Molina, Jefe de la Unidad de Gestión de riesgos de la Prefectura de Cotopaxi, riksichirkami imashina ña kay campaña “ciudades resilientes” llankaykunata ñaypakman apakushkakuna, shinallatak, pushak mashikunata, ayllu llakta ayllukunatapash mañarkami wankurishpa may talleres de capacitación nayapaykunapipash katichun, “ñukanchik Cotopaxi marka ukupika chikan chikan llakikunatami charinchik chiri, hunu suyupi” nishpami riksichirka.
Gestión de Riesgos en Cotopaximantapash, pani Patricia Larrea mañarkami tukuy pushak mashikunata planifikashpa, wankurishpa llankaykunata paktachinkapak, ayllukunapash kay llankaykunata riksishpa hawalla ima rurana kakpipash ushachun, nishpami rimarka.