Kay awaky ‘lunes’ puncha tawka ayllukuna chayarkakunami Mercado Mayorista katuna pampakama; tipikkunapash chikan chikan murukunami chayachirkakuna, mana intermedios mashikunaman katushpa, consumidores ayllukunaman katunkapak, ratinkunapash tawkami chayashkakuna karka.Mashi Patricio Toapanta, Director de Fomento Productivo nirkami “yuyaykunaka kashkami, ayllu llaktapi murukunata tipik mashikuna ama intermediarioskunaman hatushpa, consumidores ayllukunaman hatuchun, alli, sumak murukunata” nishpami rimarka.
“Ñukanchik kunan kay hatuna pampapi, alli, sumak murukunata rikuchikushkanchik, precioskunapash mana ashka karu kashkachu; shinallatak, sin químicosmi kashna murukunataka tipishpa apamukushkanchik” nispami rimarka pani Juana Toaquiza, Pastocalle ayllu llaktamanta.
Shinallatak Paquita Peñaherrera, payka ama de casa latacungueña warmimi kashka, rimaykunapika riksichirkami “tukuykuna, agricutores mashikunata makichurashpa katina kanchik, paykunapash ama tarpuykunata washaman sakichun, chaymanta, tukuy ayllukunata kayachinchik kayman shamushpa ranti ushachun” nishpami riksichirka.
Kay feria agrícula llankaykunaka tukuy awaki ‘lunes’ punchakunatami katikushka 08h00 pachamanta kallarishpa, 16h00 chishi pachakamami katinkakuna; Mercado Mayorista mukunata katuna pampapi.
