Prefectura marka kamachik ukumanta chikan chikan ayllu llaktakunapi yakumanta llankashpa katushkami, Pilacoto ayllu llaktapipash 20 mil dólares kushkikunatami churashka, 3 km tuberías hillaykunata kushpa, 38 beneficiarios ayllukunaman.
![mil2](/images/mil2.jpg)
Mashi Nelson Guayta, Pilacoto ayllu llaktamanta secretario de la Junta de Agua por aspersión, yupaycharkami autoridades mashikunata ayllu llakta mutsurikunata rikushpa, yanapashpa katikushka manta; kay ayllu llaktapipash 3 km tuberías hillaykunata chaskishkanchik, 38 ayllukunamanmi beneficianka; murukunapi, wiwakunapi, shuktakunapipash llankaykunata paktachispa katinkapak nishpami rimarka.
Markapak pushak mashi Jorge Guamán Coronel,yuyachirkami ayllukunaman, kay llankaykuna shukta wata washamanta kallarishka, ashtawan mana tukuchishka sirishka kashka; chaymanta, kunan kay administración yanapaykunapi kutuchishpa sakikushkanchik, 20 mil dólares kushkikunata churashpa, nishpami rimarka.
shinallatak, shamuk punchakuna rikushun imashinami yapa kay llankaykunata shinchiyachispa katinchik, ashpakunapi hichashpa katinkapak, muru llankaykunapash ama wakllirishka kachun, nirkami.