Ishkay waranka yallik ayllukuna, yallishka inti puncha 31 de julio, kay Centro Agrícola Locoa Latacunga kiti feriakunaman chayarkami; chaypika, maki ruraykuna, churanakuna, murukuna, shuktak Manabí llankaykunatapash rikuchirkakunami.

Yallishka 16 de abril killa, jatun allpa kuyurikuna tiyarkami Ecuador mama llaktapí; alltawan, kunuk marka llaktakunapi llakikunapash tiyarkami. chaymanta Cotopaxi, Manabí ishki markakuna tantanakushpa feria katuna rantinamanta “Unidos por Manabí”; llankaykunata paktachirkami.

Chusku chunka pishka llankakkuna rikuchirkami, maki ruraykuna, churanakuna, murukuna, shuktak llankaykunatapash; shinallatak, riksichirkami paykunapak mikunatapash, tonga, ceviche, sal prieta, yuca tanta, shinallatak artesanía maki llankaykunamanta, kay lugares turísticos kuskakunamantapash riksichirkami.

Pany Clara Zambrano Espinel, Manabí markapak katik pushak yupaycharkami, marka, shukti karu mama llaktakunata, llaki punllakunapi makikushkamanta.

Mashi Jorge Guamán Coronel, prefectura marka kamachik apuk, rimarkami kay llakikuna tiyashkamanta tukuykuna tantanakushpa ranti ranti makita mañachishpa yanapanchik, “ñukanchipash ñukanchik murukunawan rishaninchik Manabí markaman” nirkami

Shinallatak prefectura marka kamachikmanta yanaparmi “logística, permisos y garantías en la seguridad”.