Ayllullakta mashikunapash 15 watakunata mañashpa shamushkakuna kashka, kay pachapi Prefectura kamay ukumanta yanapaykunata paktachikushkaku, urkumanta apamushpa katikushkanchik, kuchayana tankikunata rurashpa, ayllukunapak ashpakunapi chayachishpa sakinkapak; ashtawanpsh, uktallami rurashpa katishkanchik ayllukunapash makichurashpa katishkakunamanta nishpami rimarka mashi Luis Segovia, contralista.
Primera etapa llamkaykunatami paktachishpa katikushkakunakashka, 400. 000 wawanka kushkikunata churashpa, ña 4 kilómetros tubería hillaykunata churashpa, 3 kuchayana tanque yanapykunata shayachishpa; segunda etapa llamkaykunapika shuk hunu yalli kushkikunatami churashpa katinka, wasin wasin hichana pampakunapi chayachishpa sakinkapak.
Shinallatak mashi Juan Estrada, director de Riego y Drenaje, rimashpapash katirkami, asha asha llamkaykunawan kallarishpa katikushkanchik, unkikunamanta maypi shayarishpa katishkakuna karka llamkaykunapash, kay ayllullaktapi ña kay killakuna tukuchishpa sakinkapak kanchik, 120 hapik mashikuna paktalla murukunapi, wiwakunapi, alli kawsaykunatapash charishpa katichun nishpami rimarka.
