Kamay ukumana, 1,98 kilómetros yanapaykunapi 418 mil dólares kushkikunatami curankkakuna, shinallatak, 7,30 paskashka, Replanteo, excavación, colocación de sub base y base, yaku larkakuna, achikkunatapash churashkami sakirinka, 90 punchakunapi ña tukuchinkakunami.

Cristian Tinajero, Hatun Yachana wasi Universidad Técnica de Cotopaxi (UTC) apuk nirkami, kay punchaka unanchami kashka ñukanchik kimsa waranka yalli yachakukkunapak, shinallatak, kay ayllu llakta kawak ayllukunapakpash nishpami yupaychashpa katirka.

Shinallatak, mashi yachakuk Carlos Quishpe, chunka hunu yachakuk ayllukunapak shutipi yupaycharkami, kay achiklla ñankunawanka, antawakunapash sumaktami puri ushanka, ñukanchikpash allichishpami katichun, makichurashpapash katikushunmi Cotopaxi Markata tukuykuna ñawpakman apankapak nishpami rimarka.

Mashi Jorge Guamán Corone, nirkami asha mutsurikunata charshkanchik, shinapash sinchi yanapaykunawa pankakunapi ashpishpa sakikapak tikramshkami, ashtawanpash mañanimi tukuykuna wankurishpa katinkapak; ñuñukunapi, murukunapi, yachaykunapi, shinallatak, yaku llamkaykunapipash paktalla katinkapak nishpami rimarka.

Markapak apuk, tukuchinkapakka ayllu llakta ayllukunatapash yupaycharkami shuyashpa katishkakmanta