Markapak katik pushak pani Silvia Bravo Cajas, kallari yanapaykunapi riksichirkami ima llankaykunata paktachishpa katikushkakunata kamay ukumanta, shinallatak, kayachirkami tukuy ayllukunata ñukanchikpa wasimanta “pacha mama” paktalla llankashpa katinkapak.
Feria Agroecológica llankaykunapika wankurishpa katirkakunami uchilla ayllu llaktakunamanta productores mashikuna, paykunapa llankaykunata riksichishpa, katushpa katinkapak; shinallatak empresaskunamantapash mana contaminashka murukunata riksichirkami.
Seminario ambiental wankurikunapipash karkami Nintanga, Provefrut, Holcim, shukti instituciones kunamantapash riksichishpapash katirkami paykunapak llankaykunamanta, shinallatak, pachamamata allichishpa katinakunamantapash riksichirkakunami.
Mashi Oscar Mancera, gerente de Holcim rimarkami mana hawalla llankachun sakishkakunachu contaminación ambiental manta, ñukanchipash mana pacha mamata llakichinkapakka katikushkanchikchu; pankakunata wichiyachishpa katinkapakmi llankakushkanchik, nirkami.
Yachakuk mashikunapash mana ministishka willaykunata tantashpa, alli hillaykunata rurashpa rikuchirkakunami, ama pacha mamata mapayachishpa katinkapakka.
Pacha mamapak punchapi ñustakunatapash akllarkakunami, srta. Ambiente 2018 sakirirkami Dayana Yánez, Srta. Recursos, Karol Guerra y Srta. Conservación, Lucia Castillo.
Mashi Valdimir Ortiz, director de Ambiente de la Prefectura de Cotopaxi kamay ukupi llankak, nirkami, kashna yanapaykunaka kanmi tukuy mashikuna pacha mamapi yuyarishpa katichun, rikushkanchikmi yallishka watakuna imashina wakllirishpa katishkakunata, chaymanta, shinchi llankashpa katinakanchik samuk wawakunaman sumak pachata sakinkapak, nirkami.
