Kay muskuykunaka yallishka ishkay chunka pushak watamantami shamushka kashka; kunan ña paktashpa katikukpi ashkata kushiyarishpak katinchik nishpami rimarka mashi Reinaldo Tucumbi, Juigua Yacumaba ayllu llaktamanta pushak, firma de contrato wankurikunapi.Kay ñan llankayka kallarinkami Buena Esperanzamanta, Guantubamba, Chinibamba, Yacubamba chayanakamami yanapankakuna, 8,6 kilómetroskunatami charishka.
Gobierno Autónomo Descentralizado de la Provincia de Cotopaxi kamay ukumanta 2’342.102,7001 dólares kushkikunatami churakushka, Cámara Provincialmantami paktalla yanapashkakuna.
Markapak pushak mashi Jorge Guamán Coronel, yupaycharkami ayllu llakta pushak mashikunata, paykunawan wankurishpami muskuykunata paktachishpa katikushkanchik nishpami rimarka.
Kay ayllu llaktakunapika yakumantapash yanapashpami katikushkanchik, sumak kawsaykunata charishpa katinkapak nishpimi rimarka markapak pushak, wankurikunapika.
