Patronato Provincial yanapak wasimanta kallari feria llankaykunata paktachirkami, Pujilí kitipi viernes 21 de noviembre sasi killapi tantarirkami kanchis kitimanta mashi panikuna paykunapak llankashkakunata rikuchinkapak, mikunakuna, maki llankashkakuna, tushuykuna, takikuna, chay tukuy unanchakunata rikuchirka. Eloisa Toaquiza patronato yanapak wasita pushak pani, nirkami tantachishkanchikmi musukunata, kuytsakunata, wawakunata, warmikunata, paykunapak llankaykunata riksinkapak, yachankapak  tukuykuna wichiman llukshinkapak.

Chuk convenios aspikunata charirkami kay Fundacion CODESPA, shinallatak Gobierno provincial Cotopaxi marka paktalla. Silvia Bravo Cotopaxi markapak katik apuk nirkami mutsurishkanchikmi kashna shina llankaykunata ñukanchik ayllu llaktakunapi charinkapak. Ferran Gelis Escala kay fundación CODESPA yanapak wasita pushak nirkami ñukanchik kay 1985 watamanta pacha llankashpa shamushkanchik, shinallatak kay Ecuador mama llaktapi llankankapak shamushkanchikmi 2001 watapi, kunan kay mushuk convenios kunawan sakirinmi…

Salamalag Atápulo Ayllu llaktapi tantanakuykunata paktachirkami, mashi José Espíritu Cocha, Atápulo ayllu llaktpak kaparik mashi nirkami tawka watakuna Gobierno Provincial yanapak wasimanta yanapaykunata charishkanchimi, ashtawan mana kay obraskunata tukuchishkachu ashtawankari chaytami tukuchichun mañanchik. Chay kipak mañanchikmi kay maquinariaskunawan kutishuk llankaykunata paktachishpa katichun.

Cotopaxi markapak apuk Jorge Guamán, yallishka viernes 14 de noviembre sasi killapi Yanahurquito Chico ayllu llaktapi tantanakuykunata paktachirka, chay tantanakuypika shuk convinio pankakunapi aspirka, yakumanta llankankapak shinallatak kay llankaykunata tukuchichun sakirkami chusku killakama.  Juan Estrada Centeno, kay riego yakumanta llankak nirkami tukuy técnicos mashikuna kay llankaykunapi paktalla llankashkanchik, shinallatak yanapankami kay yurakunata tarpushpa ñukanchik yaku mayapi.