Ishkay yanpak wasikunamanta yanaparka kay llankaykunata paktachishpa katichun, kunan kama may sumak llankaykuna katikun. Ayllukuna kay tukurinakama uchilla puente chayta purikun, chaymantami uktalla llankaykuna katikun.

Ishkay ayllu llaktamanta ayllukuna pushakkuna kay lindero allpakunamanta riksichirkami, Manuel Tigasi ayllu llaktamanta pushak riksichirkami ishkay chunka chusku watakunata kay llakikunawan shamushkanchik, pushakukuna, apukkuna, mana pipash yanapashkachu, ashtawan ñukanchik pujlí kitiman yallishkanchik tantanakuy tiyakpi, raymikuna tiyakpi, sawarikuna tiyakpi chaypi kajushkanchi chaymanta mana kay Salcedo kitiman yallishun ninchik.

Kay ayllu llaktapak yaku pushakkunata akllarkami, mashi Jorge Guamán nirkami tukuykunata mañanchik kashka tantanakushpa katichun, chaymanta pushakkuna llankaykunata paktachishpa katina kanchik. Shinallatak kay SENAGUA, yanapak wasimanta yanaparkami kay nombramiento pankakunata. Segundo Caisaguano, yakumanta pushak mashi nirkami kunanka kay reglamento interno pankakunata paktachishka katina kanchik.

Kay Superintendencia de la Información y Comunicación SUPERCOM, willay wasimanta yachachinkapak shamurkami, periodistas mashikunaman, yachak mashikunaman imashina willaykunata uyachinamanta, frecuenciaskunamanta, willaykunamanta riksichishpa sakirka.