Mashi prefecto Jorge Guamán Coronel, llankaykunata chaskichirkami kay ayllu llakta mashikunaman, kay llankaykunata paktachiskanchik prefectura pankakunawan nirkami, shinallatak shukti llankaykunawan shamuk watakuna katishun nishpami riksichirka.
Punta watakunamanta kay ñankunaka ashka waklliriskami tiyashka, ñukanchik murukunata shukti markakunaman katunkapak llukchishun nishpapash mana pudiskanchikchu, kay mutsurikunata rikushpa marka kamachik llankashkamanta allka kushilla sakirinchik nirkami mashi Leonilde Molina, Choasillí ayllu llaktata pushak.
Shinallatak mashi Héctor Guamán, Pilaló kitillita pushak nirkami, may sumakmi kan kashna ñankunapi llankashpa katina, ayllu llakta mashikuna sumak kawsaykunata charichun, paykunapak pankakunata wichiyachispa katichun, shinallatak alli ñankunata charikpika migraciónkunapash mana tiyanka, shukti markakunapi tiyak ayllukunapash tikramunka nirkami.
