Kay yaku llankaykunaka paktankami kimsa hunu yalli ayllukunaman, ashtawan iskun patsak yalli tarpuna allpakunata hichankapak; ayllukunapak muykuykunaka kashkami kay yaku llankaykunawanka murukunata wichiyachishpa, wiwakunata mirachipa katinkapak; kashna llankaykunawanka alli kawsaykunata charinkapak.Llankaykunata chaskinkapakka ishki hunu yalli ayllukuna tantanakurkami, markapak pushak mashi Jorge Guamán Coronel, nirkami “yakumi kan ñukanchikka kawsay, mikuy, yachay, tantanakuy, mana chinakpika, ima llankaykunata mana chari ushana kanchik may markakunapika” nishpami riksichirka.
Canal Norte yaku larkata pushak pani Georgina Llano, yupaycharkami, Prefectura ukumanta makikushpa katikushkamanta; ashtawan kimsa hunu yalli ayllukunamanmi chayanka, kay ayllu llaktapika 60 % ayllukunaka ruku tayta mamakunami kan, paykunamanmi kashna llankaykunaka yapa allichinka nishpami rimarka.
Ayllukunaka, ashka kushilla sakirinchik, ñukanchikpa muykuykunata ña paktachispa nirkakunami.
