Laguna katunama pampakunamanmi yallirkakuna, “De la Mata a la Olla” kipapakchi llankaykunaka, kanchis pachamantami katushka katinkapak kallarirkakuna, ratin ayllukunapash yupaycharkami kashna yanapaykunata yuyarishkamanta; shinallatak, nirkakunami intermediarios mashikunapash mana alli katunkunachu, kunan alli kantikunata charikushkanchik, nishpami rimarkakuna ratik ayllukunaka.
Markapak pushak mashi Jorge Guamán Coronel, imashina katikushkakunata rikukrirkami, shinallatak nirkami, kamay ukumanta shinchi llankaykunata charikushkanchik uchilla productores ayllukunawan, shamuk punchakunapash rikushpa katishun shukti hunu suyu murukunatapash charinkapak, nishpami riksichirka.
Shinallatak, ayllu llakta murukunapi yanapash katik mashi, Héctor Sánchez nirkami, ayllu llakta llankaykunaka shinchimi kan, shinapash yanapashpa katikushkanchik, tukuy ayllukunaman sumak murukunata chayachishpa katinkapak, nirkami.
Banda takikunapash kushiyachirkakunami katuk, rantik mashikunata; llankaykunapash paktalla katirkami, 08h00 hasta las 13h00 pachakamami katinkakuna tukuy awaky punchakunata.
