Mashi Reynaldo Tucumbi hatun pushak kay Organización de Pueblos Indígenas de Jatun Juigua OPIJJ, rimarkami, ñukanchik yallishka ishkay chunca pusak watakunatami tukuy ayllukuna shuyashkanchik, kunan ña markapak pushak llankaykunata paktachispa sakishun nikpi ashkata kushiyarishka kanchik, nishpami rimarka.Shinallatak rimarkakunami ayllullaktapak shutipi mashi Humberto Jacho, ashkatami yupaychanchik pushak mashikunata, shinallatak, nirkami kay nañ llankaykunawanka hawalla murukunapi llankashpa katinkapak, may kuskakunapipash shuk ingreso económico tiyachunmi kanka, chaymanta rikunimi kitilli, kiti, marka, ayllukunami beneficiashka sakirishun nispami riksichirka.
Markapak pushak mashi Jorge Guamán Coronel, kay tantanakuykunapi nirkami, “ñukanchik ayllupura mana llullana kanchik, paktachi ushanata rimarinakanchik” imashina nishka shina, iskun kilómetros kunata ña asfaltashpa sakinkapak kanchik nishpami rimarka.
