Kay yaku larkapika ashka mutsurikunami tiyashka kashka, wakin punchakunaka may tuñishka yaku larka pitirikpika, ashka llakirikunami tiyashka kashka; chaymanta Prefectura marka kamachik técnicos mashikuna makikushpa katishkami, ashtawan ayllu llakta ayllukunaka minga llankaykunawanmi katishka kashka.
Markapak mushak mashi prefecto Jorge Guamán Coronel, nirkami “ñukanchik ayllukunapi yuyashpa kashna llankaykunata paktachimushkanchik, murukunapash ama mutsurichun, chaymanta tukuy ayllukunata ninimi, kashna llankaykunata allichiska, rikushpa katina kanchik” nishpami rimarka.
Mashi José Jiménez, kay yaku llankaymanta pushak yupaycharkami pushak mashikunata, ayllu llakta llankaykunapi yuyashpa kashna llankaykunata chayachiskamanta, ashtawan, may sumak llankaykuna kan may tarpuy chakrakunata wichiman apankapak nirkami.
Tawka watakunata kashna chakikunata chariskanchik, shuk 50% yanka tukuriska shina rikurirka, kunanka tukuy wasikunamanmi chayanka yuyashpa ashka kushilla kanchik nirkami, yakumanta pushak.
