Palopo Centro, Palopo Contadero, Palopo Mirador, Jilingua Chico, Jilingua Grande y Toavilli, ayllu llaktakunapi ñankuna punta watakunamanta wakllirishpa katimushkami; kay mutsurikunata rikushpa kay ayllu llakta pushak mashikuna mañashkami prefectura maquinaria hillaykunata.
Kay hillaykunatami prefectura ukumanta kachaska, shuk moto niveladora, ishkay volquetas, shuk pala cargadora, shuk tanquero, asistencia técnica nayapaykunatapash; ayllu llakta mashikunapash minga llankaykunapi katimushkami, may yaku larka rinata allichishpa, rumi wakllirishkakuta tarpushpa; kay llankaykunata paktachinkapak orden de lista katini nirkami pani Maria Lema, kay ayllu llaktamanta katik pushak.
Ayllukuna ashka kushikuywan sakirinchik nirkami, ña Palopo Centro, Palopo Contadero ñankuna sumaklla sakirimukpi; tukuchispa sakichun munanchik, ñukanchik murukunata may shukti markakunaman hawalla katunkapak llukchinkapak nirkakunami.
