Yallishka lunes 26 de junio puncha, pishka waranka yalli ayllukuna tantanakurkami, Coliseo Mayor Camilo Gallegos Domínguez Latacunga kitikama, yakumanta rimashpa katinkapak; acto ritual llankaykunawanmi kallarirkakuna.Markapak pushak mashi Jorge Guamán Coronel, markapak katik pushak pani, Silvia Bravo Cajas, mashi Ernesto Jami, Movimiento Indígena y Campesino de Cotopaxi (MICC) shayarik, Secretario Nacional del Agua, mashi Humberto Cholango, catedrático universitario e investigador mashi Luis Reinoso Garzón, mesa directiva nayapaykunapimi llankarkakuna.
Markapak katik pushak pani Silvia Bravo Cajas, alli shakushkata kurkami tukuy ayllukunaman, shinallatak nirkami, “kunan Ecuador mama llaktapi mushuk pushakta charinchik, ñukanchikpash wankurishpa llankanata munanchik, yakupi makikushpa pankakunata churashpa katikpika, allka kushikurishkami sakirishun” nirkami.
Shinallatak mashi, Luis Reinos, paykapak pacha rimaypi nirkami, “kunan punchakuna allka yaku mutsurita charishkanchik, ashtawan, mana kunamanta llankashpa katikpika, inskay patsak watakunapika yaku chinkariska shinami rikurinka, chaymanta yakuta tarpushpa katina kanchik, urkukunata allichispa katinakanchik” nishpami rimarka.
Mashi Ernesto Jami, MICC manta shayarik mashi nirkami, “ayllu llaktakunapi kashpa, markakunapi kahpa, yakuta mana mukllayachishpalla katinakanchik, mana mutsurichina kanchik” nishpami riksichirka; chikan chikan ayllu llaktamanta yupaycharkami kashna sumak llankaykunata Prefectura ukumanta yanapashpa katikunakamanta, ashtawan, Secretario Nacional del Agua ukupi llankak mashikunatapash mañanchikmi makichurashpa katichun nirkakunami.
Markapak pushak mashi Jorge Guamán Coronel, nirkami, “tukuykuna wankurishpa yakuta tarpushpa katishunchik, ñukanchik wawakunapi yuyashpa” nishpami rimarka; shinallatak, riksichirkami shukti chiri suyu markakunawan Proyecto de la Mancomunidad Andina napaykunata llankashpa katikushkakunata; shinallatak, mañanchik nirkami pushak mashikunata, kushkikunata yakupi yanapashpa katichun.
“ñukapash ayllu llaktamantami kani, riksinimi tukuy ayllu llakta mursurikunamanta; yakumanta rimakpika, kaypimi kanchik makikushpa ña yanapashpa katinkapak” nirkami mashi Humberto Cholango, Secretario Nacional del Agua rimarka, shinallatal, 43 proyectos yanapaykunatami chaskirka; 19 millones 800 mil dólares kushkikunami mutsurinka.
