Martes 2 de septiembre Kuski killapi Kimsa chunka mashikuna kay tratamiento de desechos llankaykunamanta yachaykunata chaskirkami. Hugo Veloz kay llankayta pushak nirkami tukuy killakuna chikan chikan yachaykunata yachachikunchik ñukanchik llankak mashikuna ama ima llakita charichun. Kay tantanakuypi riksichirkami, pacha mama kaysaymanta, shinallatak plan de manejo chaykunamanta.

Cotopaxi markapak apuk Jorge Guamán Angamarca kay 29 de Agosto karway killapi (132 años) shuk patsak kinsa chunka watakunata paktachikpi sumak raymikunata paktachirkami. Angamarca kitilli charinmi 560 km allpakuna, 26 ishkay chunka sukta ayllu llaktakuna, 12 barrios tukuy tantachishka sakirinmi 38 kinsa chunka pusak ayllu llaktakuna jatun tantanakuykunata paktachin.

Rene Morales Obras Publicas Apuk nirkami 100% maquinariaskuna tukuy ayllu llaktakunapi llankaykunata paktachikrinkami. Chaykamaka kay jillaykunata allichinkapakka mutsurinmi 800 mil dólares kullkikunata chaymantami ashata washayashka.Cotopaxi markapak apuk nirkami kay asha punchakunapi sumak llankaykunata paktachikushka La Mana. Saquisilí, Salcedo, kiti ayllu llaktakunapi, chinallatak kutishuk maquinariaskuna ñan kachakrinka Sigchos, Pujilí, La Mana, Pangua Latacunga, kiti ayllu llaktacunapi.

Cotopaxi, Pichincha markakunamanta ishkay prefectos apukkuna kay limites allpakunamanta allí kachu rimaykunata aspikunata paktachirka, kay tantanakuykunata paktachinkapakka maskashkami, legalmente, administrativo, técnicos, tukuykunawan ari nishpa kay allichikunawan chayarka.Tantanakuykuna tiyarkami Laguna Limpiopungo Parque Nacional de Cotopaxi llaktapi, apukkuna nirkami ishkay markakuna allí llankaykunata, allí kawasayta charinkapak paktalla llankana kanchik.