Mashi prefecto Jorge Guamán Coronel, ayllu llakta pushak mashikunata naparkami, tukuykunata wankurispa llankaypi katimushkamanta; kay llankaykunaka ñunkanchik ayllu llakta kawsayta, muru llanlaykunapi, wiwakunapi, makiruraukunata wichiman apankapakmi kanka nirkami.
Shinallatak kay ayllu llaktata pushak mashi, Luis Chusín yupaycharkami ayllu llakta kawsaykunapi yuyarishkamanta, may sumak llankaykunami kashka hawalla murukunata katuna pampaman shukchnkapak; cebolla, habas, papas, cebada shuktakunatapash nirkami.
Kay ñankunaka chakiñan shinallami kashka, murukunata wiwakunaman apachispa llukchinkapakpash allka llakimi kashka, kunan kay mushuk ñankunata rikushpa kushilla sakirinchik nirkami mashi José Faso, Michacalá ayllu llaktamanta. Prefectura ukumanta muskuykunaka kashkami tukuy ayllu llakta ñankunata paskashpa, allichishpa, yaku larka rinakunata rurashpa sakinata, tukuy ayllukuna hawalla; wiwa, muru, makiruraykunata llukshi ushachun.
