Kay chaka charishkami 40 metros ñawpakman, 5 metros kinriman; llankaykunawanka, Adoas, Pilancón, El Boliche, Las Palmas, Palo Blanco, Ramón Campaña shukti ayllu llaktakunapash tinkirinkakunami; “rimarishkakunata paktachishpa sakinkapak tikramushkani, kankunapak yanapaykunata chaskichishpa sakinkapak”, nishpami Markapak pushak rimarka.Mashi William Cela, Ramón Campaña kitilli pushak yupaycharkami ayllu llaktakunata mana kunkashpalla chikan chikan mutsurikunapi makichurashpa katikushkamanta, tawka pushakkunami pasashkakuna, mana kashna muskuykunata paktachishkakunachu; kunan ña chakata rikushka ashkata kushiyarinchik, nirkakunami.
Shinallatak mashi Wilson Amores, transportistas shutipi rimarkami, ñukanchikka kimsa chunka watakunatami muskuykunawan katishkanchik, pipash nada uyashkachu karka; kunan hay wata mashi Jorge Guamán Coronel paktachishka, ashkata yupaychanchik, kunanka Pujilí, Latacunga kitiman chayankapak ishkay yalli pachakunatallami rurashun, nishpami yupaycharka.
Ayllukunaka kay murukunawanmi kawsankuna, mora, café, cacao, plátano, yuca, frejol, shinallatak ñuñukunawanpash; Pujilí, Latacunga shukti katuna pampakunamanpash paktallami llukshinkakuna.
