Yallishka lunes 5 de diciembre puncha mashi prefecto Jorge Guamán Coronel, uchilla ayllu llakta Yanahurco, Guingopana, Isinliví kiti ñan llankaykunawan kallarinkapak sakirkami maquinaria hillaykunata, chusku volquetas, shuk moto niveladora, shuk pala cargadora, shinallatak GAD. Municipal de Saquisilímanta churanmi shuk rodillo.
Mashi prefecto nirkami ayllukunata, kaypi hillaykunata sakinkapak shamushkanchik, 24 kilómetros ñankunata allichispa sakinkapak, shinallatak amala shukti ayllu llaktapi shina tukushka kachun “maquinariakunata wakllichispa sakinakun” nishpami riksichirka.
Shinallatak mashi Tranjano Tuitise, Isinliví kitillita pushak yupaycharkami markapak pushakkunata kay ayllu llaktapi yuyarishkamanta, ñankunata alli charispaka muru, wiwakunata katuna pampaman hawalla shukchi ushanchik nirkami.
Mashi prefecto ayllullaktamanta kashkamanta riksin ima mutsurikuna tiyashkakunata, ñukanchikpash minga llankaykunawan katinkapakmi kanchik, ranti ranti makichurashpa ayllu llakta muru llankaykunatapash wiñachispa, mirachispa; hawalla katuna pampakunaman shukchinkapak, kashna alli ñankuna tiyakpika nishpami riksichirka.
