Marka kamay ukumanta 52 mil dólares kushkikunatami churashka kashka, materiales killaykunata rantishpa, 4 mil 596 metros de acequia larkakunata allichinkapak, kunan pachakunapika ñami ña ishkay patsak yalli ayllukunapash paykunapak allpakunapi hichakushkakuna.Yallishka martes 22 de agosto puncha, markapak apuk mashi Jorge Guamán Coronel, San Marcos ayllukunapak makipi kurkami kay llankaykunata, shinallatak, nirkami, kimsa wata yanapaykunapi Salcedo kitipi tawka llankaykunata paktachispa katikushkanchik, alli kawsaykunata charinkapak, nispami rimarka.
Shinallatak, pani Inés Flores, Yachil 2 y 3 yaku larkamanta pushak nirkami, tawka watakunata shuyashkanchik ñukanchikpa muskuykuna paktachun, ñukan ya ñukanchikpa ashpakunapi chayachishpa, ashka kushikuywan sakirinchik nishpami kushikurirka.
Shinallatak pushak mashikunata mañarkami, shukti canales secundarioskunapipash llankashpa kati ushachun.
