Pasashka Chaska punchapi, mashi prefecto Jorge Guamán Coronel, rumpa yachana “escuela de futbol” wasita inaugurahpa sakirkami uchilla ayllu llakta Chantilín, Saquisilí kitipi; kay pukshana wasiwan chunka ishki yachana wasikunatami Cotopaxi markapi paktachin.
Javier Velásquez, Chantilín kitillitak pushak, riksichirkami, kay pukllaykunapika 8 a 16 wata charik wawakunawan llankashpa katishun, kay pachakama charinchikmi 65 wawakunatak, “mashi prefecto 60 wawakunawan llankashpa katishun nirkami”, ashtawan mañanchik markapak pushakta, 100 wawakunawan llankashpa katinkapak nirkami.
Shinallatik nirkami, kay llankaykunawan wawakuna mana shukti “vicios” panta ñankunapi katinka, ashtawan sumaklla rumpa pukllanakunata yachashpa katinka, nishpami riksichirka kay kititak pushak.
Wawakunapi yuyashpa rumpa pukllana wasikunatak mirachimushkanchik, ñami ña charinchik chunka ishki kay shina llankaykunatak Cotopaxi ayllu llaktapi, nirkami mashi pushakka.
