Prefectura marka kamay ukumanta, ayllu llaktakunata tinkichishpa sakinkapak ñan llankaykunapi yanapashpa katikushkakuna, ashtawan, Pangua hunu suyu kitillikunaman ushtarinkapakpash, La Polvorosa chakakunata rurashpa katikushka kashka.

Salcedo kitipi, “El Recreo” yaku larkakunata tapachishpa sakinkapak, 324 mil dólares kushkikunatami churanka marka kamay ukumanta, shinallatak Salcedo kiti pushak mashikunapash makichurashpami katinkakuna; ama hichana yakuta mapayachishpa katinkapak.

Yallishka sábado 26 de agosto puncha, markapak pushak Jorge Guamán Coronel, tukuy ayllukunawan pacta purikunata rurarkami kay ñankunata allichinkapak, Buena Esperanza - Guantubamba- Chinibamba – Yacubamba, chaypimi rimarkakuna ñan iskun kilómetros yanapaykunata kallarinkapak, chay llankaypi tukurinkami kimsa millones de dólares nirkakunami.

Uchilla ayllu llakta San Marcos, Canal Alberto Salgado Salvador, Salcedo kitipi, Prefectura marka kamachik ukumanta, Yachil 2 y 3 yaku larkakunata allichishpami sakirka, Riego y Drenaje kamaymanta pushak killakunatami yanapashkakuna.