Jorge Toaquiza, Guangaje kitillimanta pushak, yupaycharkami hillaykunata sakishkamanta, 200 kilometros ñankunatami allichishpa katikushun 34 ayllu llaktakunapi nishpami kushikurirka.

 

Tawka ayllu llaktakunamantami chayarkakuna material hillaykunata chaskinkapakka, 25 de Diciembre ayllu llaktamanta mashi Gonzalo Vega nirkami, allkata yupaychanchik marka kamay ukumanta makichurashpa katikushkakunamanta kay kitillipi, kunan kay ármicoskunawanka ñankunata allichishpa katikushunmi, shinallatak, ñukanchikpash minka yanapaykunapimi katikushun nirkami.

Markapak pushak mashi Jorge Guamán Coronel, nirkami, kaypi sakinchik 170 placas de alcantarilla metálica, chunka shukta yaku larkakunata rurankapak; paypi ñan ashka wakllirishkakunapi churachun nishpami sakirka.