Gobierno provincial marka kamachik ukumanta, yakukunapi llankashpa katikushkami tukuy ayllu llanktakunapi, kunanka, Eloy Alfaro kitillipimi hatun tanque reservorios kunata rurashpa, shuk patsak yalli kushkikunatami churashpa, kay llankaykunaka 70 socios ayllukunamanmi paktanka nishpami riksichirka mashi Carlos Espín, técnico de la Dirección de Riego y Drenaje.
Kay tanquipika kuchayankami 550 metros cúbicos yakukuna, 120 hectáreas allpakunata hichankapak; mashi Gonzalo Estrella yupaycharkami kay llankaykunata paktachispa katikushkamanta, kunanka wasin wasin chayachinkapakmi llankashka katikushun kay Eloy Alfaro murukunatapash ama chinkachinkapak, ashtawan, wichiyachispa katinkapak nirkami.
Kutishun beneficiario mashika nirkami, ñukanchikpash makichurashpami katikushkanchik, ama ima mutsurikuna tiyachun kay tanque llankaykunapi, hillaykunapash ama chinkachun; shinallatak kushikurinchikmi kay sumak llankayta paktachikushkamanta; yaku tiyakpika ayllu llakta muru llankaykunapash mana washanyankachun, markakunapipash mana mutsurinkachun nishpami rimarka.
