Tantanakuykunaman chayarkami kay ayllu llaktakunmanta ayllukuna, Yasaucho, Chaca, San Francisco, Sachapungo shinallatak transportistas mashikunapash wankurirkami.
Pushakkunaka nirkakunami, tukuykuna shukshinalla llankashpa ñankunata allichishun, may frejol, mora, caña de azúcar, yuca, banano shukti murukunata hawalla ayllu llaktakunaman, katuna panpakunaman shukchinkapak; "yuyarinakanchik kay kiti hunun, chiri pacha kaskamanta shukti murukunata chariskata" nirkami mashi Juan Muñoz, Pangua kititak pushak.
Kay ñankuna: El Corazón, Yasaucho, Chaca, San Francisco, Sachapungo, Ingapirca, Apagua, Zumbahua, Pujilí ñankunata hawalla Latacunga shukti markaman shuktita ushanchik; Pinllopata, Los Rios markatak rikpika allka muyuy kan nishpami riksichirka Wilson Amores transportista mashi.
Migración kunapash ama tiyachun kay llankaykunata mañanchik nirkakunami ayllu llakta pushak mashikunaka.
Kay rimaykuna hawa, pushakkuna nirkami, samuk kimsa chunka puncha firmashun mancomunadamente ñankunapi llankankapak prefectura marka kamachik, Pangua kiti pushak, shinallatak GAD. Parroquial Pinllopata kitilli apuk, wankurispa allichinkapak nirkakunami.
