Cotopaxi markapak apuk Jorge Guamán kay ayllu llakta Maca Milinpungo ayllukunwan tantanakuyta charirkami, chaypika kay yaku tanque resorvorio llankaykunata ruranamanta riksichirka (780 usuarios kanchis patsak pusak chunka yakuta japik ayllukuna, shinallatak kanmi 5.940 habitantes, pishka waranka iskun patsak chusku chunka ayllukuna) kay ayllu llaktakunami yakumanta mutssurinka Maca Milinpungo, Maca Chuquiraloma, Maca Acchi, Maca Tugma, Maca Centro, Maca Laigua Ladera, Maca…

Pataín ayllu llaktapi tantanakurkami (500 pishka patsak mashi panikuna), kay tantanakuypi mashi Jorge Guamán riksichirkami kay competencias llankaykunamanta. María Chiliquing kay ayllu llaktapk pushak nirkami kunan mushuk apukkunata rikushuk ima llankaykunata paktachin ñukanchi ayllu llaktakunapi, kay ayllu llaktapi kay ayllunami imatapash mutsurinka (700 kanchis patsak mashi panikuna).

Kay ayllu llaktamanta mashi panikuna mañarkami ñankunta asfalto rurachun kay Los Hornos-Poalo-Saquilí kitikama. Fernando Viera antawakunata pushak mashi nirkami tukuy watakunata kay momentos políticos shamukllapi rimashka nirkami. Cotopaxi markapak apuk Jorge Guamán nirkami kay llankaykunata rurankapak kay 2014 watapi mana presupuesto tiyanchu, ashtawan shamuk watapak maskashun nishpa riksichirka.

Viernes 24 de octubre karway killapi Cotopaxi markapak jatun kuyurimuy wasimanta, kay Gobierno Provincial tantanakuy wasipi yaku tantanakuymanta charirkami, kay tantanakuypika rimarkami ñukanchik urkukunata allichinamanta, allí yakuta charinamanta, yurakunata tarpunamanta, shinallatak, kay tantanakuypi kimsa mashikuna riksichirka pishka yaku kamachikkunamanta; wakin kamachik kunapi man allí rikurinchuk.