Guambaine ayllu llakta sakirinmi, Angamarca kitillipi, Pujilí kitiman yallik; ayllukunaka nirkakunami, yallishka watakunakuna mana alli ñankunata charishpaka ashka llakirirkanchik may murukunata, wiwakunata takuna pambakunaman mana shukchi ushashpa, nishpami ayllukunaka rikarkamuna.Kashna mutsurikunata rikushpa Prefectura marka ukumanta 8.5 km ñan llankaykunatami paktachishka; ayllu llankta Shuyu manta kallarishpa, Guambaine ayllu llaktapimi chayachishka; Universidad Técnica de Ambato, UTA, hatun yachaya wasimantami estudios yanapaykunataka kamachishkakuna; kay ayllu llakta pushakkunapash shinchi llankaykunatami charishkakuna.
800 beneficiarios ayllukunami kashka, chashkinkapakka Shuyo, Chinepamba, Chisteán y Guambaine ayllu llakta ayllukunami chayarkakuna; shinallatak, tukuy ayllukuna yupaycharkami Prefectura ukumanta chashna llankaykunata paktachispa katikushkamanta.
Markapak apuk mashi Jorge Guamán Coronel, ayllukunawan taktishpa rikurkami ñan llankaykunata; tantanakuykunapika nirkami “ñukapash ashka kushikurishka kani, kunanka wiwakunata samachispa, antawapi ima murukunatapash llukchi ushashun ” nishpami rikarka; 160 mil dólares kushkikunatami churashka ñanta pashkashpa, yaku rinakunata rurashpa, shinallatak, lastrado llankaykunata paktachispa.
Mashi Oswaldo Guamán, Angamarca kitillipa pushak yupaycharkami tukuy ayllukunata, muskuykunata paktachinkapak makichushkamanta; shinallatak mañarkami ayllukunata ama wakllichichun, ashtawan, taypi wakllirikpika, allichispa katichun.
Pushakkunapash, segunda etapa llankaykunata paktachinkapakpash, pankakunami aspirkakunami, kay llankayka Guambaine ayllu llaktamanta, Pasapungo ayllu llakta, Tunguragua marka chayana kamani kanka, estudios kunata rurashka kipa, shamuk killakunata ña kallarinkakunami.
