Yallishka martes 13 de junio puncha, markapak pushak mashi Jorge Guamán Coronel, shinallatak Salcedo kititak pushak mashi Héctor Gutiérrez, shukti ayllu llakta; San Marcos, San Marcos Sur, shinallatak, Yanayacu mashikuna rikukrirkami kay ñan llankaykunamanta, ayllukunapash ña maquinarias hillaykunatapash chaskirkakunami.Mashi Héctor Gutiérrez, Salcedo kititak pushak nirkami, may mushakmi kashka kashna mancomunadamente llankashpa katina, shukti shukti kitillikunapi ña kashna llankaykunataka paktachikushkanchik, kay ñan llankaykunapipash estudios técnicos, alcantarillado, yaku rina llarkakunatapash paktachiskanchikmi; Prefectura ukumantaka churankami 800 mil dólares kushkikunata; base, subase y asfaltado llankaykunapi, nishpami riksichirka.
Markapak pushak mashi Jorge Guamán, nirkami, kimsa killakunapi ña tukuchispa sakishun ninchik, marka ukumanta chunka shuk maquinarias hillaykunatami kachashun, shinallatak, Salcedo kiti ukumantapash hillaykunata churakpika ishkun chunka punchakunapika ayllukunapak makipimi sakishun nishpami rimarka.
Kay ayllu llakta pushak mashikunapash yupaycharkami markapak apuk mashikunata, sumak llankaykunata paktachishpa katikushkamanta, ashtawan, kashta llankaykunaka kushkakunapi, murukunapi, wiwakunapi shuktakunapipash yapa llankashpa katinkapakmi kanka, alli kawsaykunatapash chari ushankapak nirkakunami.
