Llankaykunta paktachinkapak kay maquinarias hillaykunawanmi yanapakun, shuk motoniveladora, ishki volqueta, shuk rodillo, shuk tanquero, shuk pala cargadora; kay hillaykunawanka llankankami ñankunata paskashpa, allichishpa.
Markapak apuk yupaycharkami pushak mashikunata kay llankaykunata tantanakushpa yanapakushkamanta; shinallatak nirkami “alli ñankunata charishpa murukunata hawalla katuna pampakunaman llukchita ushashun” nirkami.
Kay ayllu llaktapak ayllukuna yupaycharkami, maquinarias hillaykunata kachashpa kashna shina llankaykunata ayllu llaktakunapi yuyashpa llankakushkamanta.
